Kung sinuman ang nakakaalam sa naka-hit and run sa kanya, please maawa ka sa pamilya niya. Sobra-sobra silang nagdadalamhati
Nauwi sa disgrasiya ang bonding ng magkakamag-anak mula Barangay Botao, Sta, Barbara, Pangasinan.
Habang sakay ng tricycle at pauwi na galing sa isang salo-salo, bigla silang nasalpok ng kotse sa kahabaan ng Barangay Tebag East….
Sa lakas ng impact… tumilapon ang biktimang si Marjorie Valencia, 15-anyos, ang masaklap nasagasaan pa siya ng isang SUV. Sinubukan pa siyang dalhin sa ospital pero idineklarang dead on arrival.
Sugatan naman ang limang iba pang sakay ng tricycle kabilang ang pitong taong gulang na kapatid. Ang kotse na nabangga sa tricycle at ang SUV na nakasagasa sa biktima, parehong tumakas.
Ayon sa PNP, nahagip ng cctv ang mga sasakyan bago mangyari ang insidente. Pero hirap matukoy dahil mabilis ang patakbo.
Nanawagan ng tulong ang pamilya ng biktima. Maraming pangarap sa buhay si Marjorie na biglang naglaho dahil sa nangyaring ito.
