Iwasan po na magbilad sa matinding init. Nakamamatay po.
Nakahandusay na lalaking ito sa gitna ng maisan sa Barangay Aliaga, Malasiqui, Pangasinan nang makita ng ilang residente. Dead on the spot ang lalaki na Nakilalang si Rodolfo Perreras.
Kwento ng asawa ng biktima, maagang umalis sa bahay ang biktima para magsiga sa bukid. Paghahanda ito para sa pagtatanim ng monggo.
Pero inatake raw sa puso ang biktima batay rin sa kanyang death certificate. Nagpalala raw rito ang pagkakabilad niya sa matinding init. Ayon sa Pulisya, walang nakikitang foul play sa insidente.
Ayon sa health authority, makakasama para sa mga may hypertension at sakit sa puso ang matagal na pagkabilad sa init dahil maaring ma-heat stroke.
