Patay ang 21-anyos na estudyante na kinilalang si Ramraj Carreon matapos sumalpok ang minamanehong motorsiklo sa isang concrete barrier sa kahabaan ng Barangay Baritao, Manaoag, Pangasinan.
Sa imbestigasyon ng Pulisya, 1:30AM nang imaneho ng biktima ang NMAX 155 Motorcycle. Pero bumangga ang biktima sa concrete barrier at sa lakas ng impact, bumagsak sa kalsada ang biktima. Sinubukan pang dalhin sa Manaoag Community Hospital si Ramraj pero idineklarang dead on arrival.
Dagdag ng Pulisya, naitimbre sa kanila ang insidente matapos mag-report ang isang concern citizen na nakakita sa biktima na nakahandusay sa kalsada.
Labis na naghihinagpis ang mga nagmamahal kay Ramraj na isa ring siklista.
Patuloy ang imbestigasyon ng Pulisya sa nangyaring aksidente. 
| Contributed Photos
